Dem boys seh that de Man above does wuk in mysterious ways. Sometimes he does wuk so strange that other people does get blame. And when people look at de situation dem can’t help but understand that truth is stranger than fiction.Imagine yesterday de Waterfalls paper carry a photo of a sign outside de hard Times paper. This sign on de reserves but Robeson lef it because he people claim how he ain’t see it.Well dem boys seh that de Man above don’t sleep. Robeson knock down de Kissing Bridge pun de West Coast and lef de sign. De Man above knock down de sign.But dem boys shoulda know that something was going on. Late Sunday afternoon dem had some lightning that people never see. And de thunder was something else. De rain and de breeze was so strong that de sign come down.Well dem boys going to church because dem sure that there is a man above and he visit de city on Sunday to put he hand pun de sign outside de Hard Times paper.But de people who wukking there decide that is de Waterfalls paper pull down de sign. Dem boys seh that dem have security; dem have security cameras; dem have people there round de clock. All of dem see wha happen but Bobby ain’t tekking wha dem tell he.He get one reporter (??) at de Vieira TV station that he buy,Jerseys NFL Cheap, to claim how is de Waterfalls paper invoke power to topple de sign.De sign deh down. One of dem boys seh that it showing solidarity wid de Kissing Bridge. Another seh that it telling de world de direction in which de hard times paper going.Talk half. Lef half.